Hoteli Best Western është një nga projektet më elegante, ku dizajni modern prej xhami ndërthuret me detaje të ngrohta arkitektonike. Fasada përfshin një sistem xhami me profile të holla mbuluese, elemente diellmbrojtëse të dala nga struktura, si dhe panele Alucobond me pamje druri, duke krijuar një ekuilibër harmonik midis stilit bashkëkohor dhe atij natyral.

Për shkak të vendndodhjes së objektit pranë Aeroportit Ndërkombëtar të Tiranës, sfida kryesore ishte reduktimi i zhurmës së avionëve në ambientet e brendshme të hotelit. Për këtë arsye, Aluflor aplikoi xham me performancë të lartë në izolimin akustik, i cili redukton ndjeshëm ndotjen zanore, duke ruajtur njëkohësisht transparencën dhe elegancën e fasadës.

Gjithashtu, sistemi i fasadës ofron:

• Izolim të mirë termik, për eficiencë energjetike dhe komfort të lartë.
• Elemente arkitektonike diellmbrojtëse, që sigurojnë hijezim dhe i japin thellësi fasadës.
• Veshje rezistente me panele Alucobond, me pamje natyrale druri.

Rezultati është një ndërtesë që siguron mbrojtje nga zhurma, kursim të energjisë dhe një imazh mikpritës e modern. Sot, Best Western konsiderohet një nga projektet më të suksesshme të fasadave hoteliere në Shqipëri, ku dizajni dhe performanca funksionojnë në harmoni të plotë.