Crowne Plaza Durrës

Qyteti i Durrësit po pasurohet me një nga hotelet më luksoze të bregdetit shqiptar – hotelin me 5 yje Crowne Plaza.

I pozicionuar në një vendndodhje të veçantë, me ekspozim të plotë ndaj rrezatimit diellor gjatë gjithë ditës, projekti paraqiste një sfidë të rëndësishme teknike: konsumin e lartë të energjisë dhe kostot e konsiderueshme operative të nevojshme për ruajtjen e temperaturave të rehatshme në ambientet e brendshme.

Falë ekspertizës sonë dhe analizës së detajuar të projektit, u zhvillua një zgjidhje inovative me xham termoizolues dhe akustik me performancë të lartë. Përbërja e paketës së xhamit u personalizua posaçërisht sipas kërkesave teknike dhe kushteve klimatike të objektit.

Kjo zgjidhje e avancuar:

• Redukton humbjet e energjisë.
• Kufizon mbinxehjen e ambienteve të brendshme.
• Përmirëson eficiencën energjetike të ndërtesës.
• Ul kostot afatgjata të energjisë dhe mirëmbajtjes.
• Siguron komfort të lartë termik dhe akustik për vizitorët.

Zgjidhja e aplikuar garantoi nivele jashtëzakonisht të ulëta të zhurmës në ambientet e brendshme:

• 40 dB gjatë natës
• 45 dB gjatë ditës

Këto parametra krijojnë një ambient të qetë dhe komod, duke përmbushur dhe tejkaluar standardet ndërkombëtare të kërkuara për hotelet me 5 yje.

Performanca akustike e realizuar shkon përtej kërkesave të zakonshme për një hotel luksoz urban, duke garantuar privatësi, qetësi dhe mirëqenie maksimale për çdo vizitor.