Arkitektët janë ata të cilët kanë sfiduar vazhdimisht mundësitë inxhinierike dhe nëse dikur ishte një ëndërr drita natyrale në brendësi të ndërtesave, sot është e vështirë që të imagjinohet bota e arkitekturës pa fasadat e xhamit të cilat krijojnë mundësi impresionuese estetike dhe njëkohësisht garantojnë avantazhe të shumta për ndërtuesit dhe përdoruesit.

Sistemet e fasadave të xhamit kanë funksion kryesor të ndajnë ambientin e brendshem nga ambienti dhe kushtet atmosferike duke lejuar dritën natyrale në brendësi. Me evoluimin e teknologjisë fasada e  xhamit ka marrë funksionë të tjera duke rritur vlerën e ndërtesës, dhe shfrytëzimin e saj për qëllime të tjera që nga marketingu nëpërmjet reklamimit audiovisual e deri në prodhimin e energjise së pastër diellore nëpërmjet elementeve fotovoltaike. Sot është e mundur që fasada e xhamit të tejkalojë funksionin estetik, të respektojë standartet e sigurisë si dhe të ketë një performancë termike të shkëlqyer duke minimizuar kursimin e energjisë dhe ndotjen e mjedisit.